Servicio di Aduana kier pone na conocimento di cada cliente cu entrante 7 di october proximo mester entrega e recibo di pago di impuesto hunto cu e declaracion ora di haci petishon pa vrijmaking di container of ora di saca carga for di bond (entrepot)

ORANJESTAD – Servicio di Aduana kier pone na conocimento di cada cliente cu entrante 7 di october proximo mester entrega e recibo di pago di impuesto hunto cu e declaracion ora di haci petishon pa vrijmaking di container of ora di saca carga for di bond (entrepot).
E regla aki no ta conta pa delaracionannan pa cual tin krediet, pa declaracionnan cu tin “fiat wegvoering”, mercancia cu ta liber di impuesto of cu dispensacion di derecho di importacion.

Servicio di Aduana ta pidi tur cliente pa tene bon cuenta cu e regla aki. Si e cliente no entrega e recibo di pago ora di pidi servicio, esaki tin como consequencia cu e cliente lo no haya servicio.

Pa mas informacion por tuma contacto cu sr. Ronnie Angela, Teamleider Team Vrijmaking na telefon 5821280 of via e-mail prangela@siad.aw

GERENCIA DI SERVICIO DI ADUANA
6 oktober 2008