ORANJESTAD – Den e ultimo tempo Douane na Aeropuerto ta haya nan mes confronta cu
pasaheronan cu ta yega Aruba cu matanan di orquidia y cu na nan yegada no tin permiso di
CITES hunto cu nan. Servicio di douane ta sinti cu esaki ta sosode dor cu falta di informacion y
cu e reglanan cu tin presribi den e ley di “Natuurbeschermingsverordening” adhunto e CITESVerdrag
no ta conoci pa cierto hendenan.

Diferente paisnan rond Mundo a sera un acuerdo cu ta wordo jama “Washington Convention” of
CITES-Verdrag pa ta traha hunto na bienestar di nan Pais pa’sina proteha flora y fauna. Pa nan
por logra esaki nan mester aplica e reglanan cu tin prescribi den e ley ariba menciona.
Den e ley tin regla cu pa un persona importa entre otro mata di orquidia e mester tin un permiso
den forma di un certificado di e instancia concerni di e pais extranhero for di unda e persona ta
bini y un permiso di importacion di e instancia concerni na Aruba cu ta Directie Landbouw
Veeteelt en Visserij (Santa Rosa) pa e por importa esaki. Ora di exporta e matanan menciona
ta rekeri un permiso di CITES di e instancia concerni di Aruba y un declaracion di douane pa
exporta esaki.

Servicio di douane kier avisa e pueblo di Aruba en general pa tene bon nota cu e aviso aki
pa’sina evita inconvenencia ora di yega cu e matanan menciona sea na Aeropuerto of Waf di
Aruba of pa e exportacion di esaki pa otro Pais. Pa loke ta concerni flora por jama e
departamento ariba menciona y pa fauna por jama Veterinaire Dienst, cual departamentonan ta
esun nan cu ta e autoridad competente pa duna permiso si lei ta permiti.

GERENCIA DI SERVICIO DI ADUANA
9 juni 2009