ORANJESTAD – Mirando cu e temporada di vakantie grandi ta serca, Servicio di douane kier
informa tur esnan cu ta viahando y cu probablemente lo haci compras den exterior pa nan tene
cuenta cu e exoneracion di derecho di impuesto di importacion y consumo cu cada viahero tin
derecho riba dje.

Den e ordenanza yama na hulandes e “Landsverordening In- Uit en doorvoer” tin prescribi cu
cada viahero tin derecho pa importa e sigiente mercancia liber di derecho di importacion y
consumo (invoerrechten en/of accijnzen):

- mercancia te cu un balor di factura te cu 400,- florin
- 1 liter di bebida sterki cu ta por ehempel rum, whisky etc. of 2,25 liter di biña of 3 liter di
serbes
- 200 sigaria of 25 sigá of 50 cigarillo’s ( menos di 3 gram) of 250 gram di tabaco

Pa bin na remarke pa e exoneracion ariba menciona e viahero mester cumpli cu algun
condicionan cu ta:

- e pasahero mester tin un edad di 16 aña of mas
- e mercancia mester ta pa bo propio uso

Nos kier corda e viahero cu no tin exoneracion riba:

- mercancia cu ta destina pa uso commercial
- mercancia cu tin un balor di factura mas cu 400,- florin, por ehempel si e acaso bo a cumpra
un mercancia cu tin un balor di factura di 475,- florin, bo tin cu paga derecho e ora ei riba e
balor di factura cu ta 475,- florin mas e flete y e seguro. E derecho cu bo lo haya di liber di
impuesto cu ta 400,-florin lo no wordo desconta for di e 475,- florin.

Tambe lokual e viahero mester tene cuenta cu’ne ora di paga derecho di impuesto pa
importacion, cu douane lo calcula esaki for di e balor di douane cu ta CIF-waarde (cost,
insurance y freight) y no di e balor di factura (factuurwaarde).

Pa mas informacion encuanto e aviso aki por manda preguntanan pa Servicio di douane via email
douane@siad.aw of bishita e website www.siad.aw

GERENCIA DI SERVICIO DI ADUANA
24 juni 2009