E oficina di Douane seccion Zona liber (Freezone) lo bai integra bou di e seccion di douane na Waf di Oranjestad.

ORANJESTAD – Servicio di douane kier a pone na conocimiento di cada cliente cu entrante 20 di juli proximo e oficina di Douane seccion Zona liber (Freezone) lo bai integra bou di e seccion di douane na Waf di Oranjestad. Esaki ta trece cu’ne cu tur e procesamento di e declaracionnan y otro formalidadnan cu sa tuma lugar na oficina di Douane Zona Liber lo sosode entrante 20 di juli proximo na e oficina di Douane seccion Waf Oranjestad cu ta ubica na Emankade.

Pa mas informacion encuanto e aviso aki por yama Douane seccion di Waf Oranjestad na telefon 5831286.

Gerencia di Servicio di Aduana
14 juli 2009